Қўқон шаҳрида қарздор Ш.У. икки нафар фарзанди учун алимент пуллари ўрнига кўп қаватли уйлардан хонадон ва Nexia автомобилини берди. Бу ҳақда Мажбурий ижро бюроси «Дарё»га хабар қилди.
Қайд этилишича, МИБнинг Қўқон шаҳар бўлимига қарздор отадан ундирувчи М.У. фойдасига икки нафар вояга етмаган фарзандининг моддий таъминоти учун алимент ундириш ҳақидаги ижро ҳужжати келиб тушган. Ш.У. фарзандлари вояга етгунига қадар тўланадиган алимент пуллари эвазига Қўқон шаҳрида жойлашган уй ва Nexia автомашинасини собиқ турмуш ўртоғининг номига ўтказиб берган.
Келишув битими фуқаролик ишлари бўйича Қўқон туманлараро суди томонидан тасдиқланиб, қарздорга нисбатан қўзғатилган ижро иши тамомланган.
Изоҳ (0)