Ўзбекистонда 2021 йилнинг ўтган даврида айрим тадбиркорлик субъектлари томонидан 9 миллиард 504 миллион сўм миқдорида электр энергиясидан ноқонуний фойдаланиш ҳолатлари аниқланган. Бу ҳақда Энергетика вазирлиги матбуот хизмати хабар берди.
Маълум қилинишича, Энергетика вазирлиги ҳузуридаги «Ўзэнергоинспекция» томонидан тадбиркорлик субъектлари томонидан электр энергиясидан ноқонуний фойдаланиш ҳолатлари юзасидан доимий равишда текширувлар ўтказиб борилмоқда.
Хусусан, 2021 йилнинг ўтган даврида айрим тадбиркорлик субъектлари томонидан 9 миллиард 504 миллион сўм миқдорида электр энергиясидан ноқонуний фойдаланиш ҳолатлари аниқланган. Ушбу ҳажмдаги электр энергияси 107 минг аҳоли истеъмолчининг 1 ойлик истеъмолини ташкил қилади.
Ўтказилган текшириш ҳужжатлари қонун доирасида чора кўрилиши учун ҳуқуқни муҳофаза қилувчи органларига юборилган.
Таъкидланишича, «Ўзэнергоинспекция» томонидан кўрсатиб ўтилган назорат тадбирлари давом эттирилмоқда.
Аввалроқ Ўзбекистонда 2022 йилда электр энергияси нархи оширилиши мумкинлиги, Ўзбекистоннинг айрим ҳудудларида электр энергияси таъминотида қисқа муддатли узилишлар кузатилаётгани, Ўзбекистонда 2023 йилда биринчи юқори кучланишли рақамли подстанция ишга туширилиши тўғрисида хабар берилганди.
Изоҳ (0)