Президенти Шавкат Мирзиёев пойтахтнинг Шайхонтоҳур тумани «Сарҳумдон» ва «Гулобод» маҳаллалари бўйлаб юриб, бу ердаги шароитлар билан танишмоқда. Давлат раҳбарининг маҳаллаларни кўздан кечираётгани тасвирланган видеоларни Президент матбуот котиби Шерзод Асадов эълон қилди.
Эълон қилинган кадрларнинг бирида Шавкат Мирзиёев кўп қаватли турар жой биносининг иккинчи қаватида истиқомат қилувчи 93 ёшли отахон билан суҳбатлашиб, ундан дуо олгани тасвирланган. Шунингдек, отахон маҳаллада кичикроқ чойхона қуриб беришни илтимос қилган. «Бўлди, сизнинг шундай айтган гапларингиз учун ўзим бир чиройлигина чойхона қилиб бераман», — деган давлат раҳбари.
Бундан аввал Фарғона ҳокими Президент билан кўришган онахоннинг тўйида меҳмон бўлгани ҳамда соғлиқни сақлаш вазири бошчилигида шифокорлар Президент топшириғи бўйича Чирчиқдаги йигит уйига ташриф буюргани ҳақида хабар берилганди.
Изоҳ (0)