Тошкентда 12 октябрдан ижтимоий соҳа объектларини иситиш бошланиши, 14 октябрдан эса кўп қаватли турар жой бинолари мунтазам иситишга ўтказилиши тўғрисида хабар берилганди. «Тошиссиққуввати» ДУК матбуот котибининг маълум қилишича, пойтахтда иссиқлик таъминоти хизматлари учун қайта ҳисоб-китоблар амалга оширилади.
Маълум қилинишича, пойтахтдаги бир қатор кўп қаватли уйларда иситиш тизимидаги камчиликлар сабаб турар жой биноларини қарорда белгиланган муддатдан кечиктириб иситиш тизимига улаш тўғрисида Хусусий уй-жой мулкдорлар ширкати вакиллари томонидан далолатномалар расмийлаштирилган.
Шу боис «Тошиссиққуввати» ДУК иссиқлик энергиясини ўз вақтида етказиб бермаслик сабабларини аниқлагандан сўнг, уй-жойларни иситиш тизимига улаш муддатларини солиштириш, шунингдек, далолатномалар тўғри тузилганини текшириш, уларда кўрсатилган манзиллар бўйича иссиқлик таъминоти хизматлари учун қайта ҳисоб-китоблар техник сабабларга кўра 2021 йил декабрь ойида амалга оширилишини маълум қилган.
Ташкилот юзага келган ноқулайликлар учун узр сўрайди.
Аввалроқ носозлик туфайли Юнусобод тумани тўлиқ, Олмазор ва Шайхонтоҳур туманлари эса қисман иссиқ сув ва иссиқлик таъминотидан узилгани тўғрисида хабар берилганди.
Изоҳ (0)