Мехико—Пуэбло трассасида юк машинаси Сан-Маркос—Уикстоко йўли бўйлаб ҳаракатланиш учун ҳақ тўлашга навбатда турган бир нечта машинани уриб юборди. ЙТҲ оқибатида 19 киши ҳалок бўлди. Бу ҳақда 6 ноябрь куни El Diario de Coahuila нашри хабар берди.
Ҳалок бўлганлар орасида болалар ҳам борлиги айтилмоқда. Шунингдек, олти кишининг аҳволи оғир. Аниқлик киритилишича, ҳодисага юк машинасининг тормоз тизимидаги носозлик сабаб бўлган бўлиши мумкин.
Қурбонларнинг аксарияти ўз машинасида ёниб кетган. Юк машинасида 200 литрдан ортиқ ёқилғи бўлган.
Юк машинаси ҳайдовчиси ҳалок бўлган. Воқеа жойида қутқарувчилар ишламоқда, ҳар икки йўналишда ҳам ҳаракат тўсилган. Жабрланганларнинг аҳволи ҳақида маълумот йўқ.
Аввалроқ Покистонда йўловчи автобуси юк машинаси билан тўқнашиб кетган эди. Оқибатда камида 27 киши ҳалок бўлган, 30 дан ортиқ киши жароҳат олган.
Шунингдек, АҚШдаги сирпанчиқ трассада 130 га яқин машина тўқнашиб, 6 киши ҳалок бўлгани, Ганада автобуслар тўқнашуви оқибатида 17 нафар одам ҳалок бўлгани ҳамда Камерунда юк машинаси ва автобус иштирокидаги ЙТҲда 50 дан ортиқ одам ёниб кетгани ҳақида хабар берилганди.
Изоҳ (0)