Коронавирус пандемияси туфайли дунёда сил (туберкулёз) касаллигидан ўлим даражаси ошди. Ушбу юқумли касаллик қурбонлари сони 1,4 миллиондан 1,5 миллион кишига кўпайди. Бу ҳақда Жаҳон соғлиқни сақлаш ташкилотининг силга қарши кураш бўйича глобал ҳисоботига таяниб, The Lancet хабар берди.
Мутахассисларнинг фикрича, ўлим ҳолатларининг кўпайиши COVID-19 пандемияси барча мамлакатларда соғлиқни сақлаш тизимини заифлаштириб, беморларни бошқа тиббий хизматлардан фойдаланиш имкониятидан маҳрум қилгани билан боғлиқ.
Ушбу фонда 2020 йилда сил ташхиси сезиларли даражада камайган эди. Агар бир йил олдин касаллик Ер юзида 7,1 миллион одамда аниқланган бўлса, пандемия бошлангандан сўнг у 5,8 миллион кишида қайд этилди.
ЖССТ маълумотларига кўра, бугунги кунда 4,1 миллион киши сил билан касалланган. Бироқ мутахассисларнинг фикрича, мазкур кишилардаги касаллик ташхисланмаган ёки расмий ҳисоботларга киритилмаган.
ЖССТ таҳлилчиларининг маълумотларига кўра, дунёнинг 30 та давлатида сил касаллигидан ўлганлар сони ортган. Шунингдек, ўлим фақат ошиб боради. Сил касаллиги билан боғлиқ вазиятни барқарорлаштириш учун камида беш йил керак, дейилади хабарда.
Изоҳ (0)