Сеул КХДР етакчиси Ким Чен Иннинг Корея уруши тугагани ҳақидаги декларацияни тилга олишига катта аҳамият бермоқда. Бу ҳақда Жанубий Корея президенти маъмуриятидаги юқори мартабали амалдорга таяниб, «РИА Новости» хабар берди.
Жанубий Корея президенти Мун Чже Иннинг ўзи Венгрия пойтахти Будапештга ташрифи чоғида журналистларга Ким Чен Иннинг уруш тугагани тўғрисидаги декларацияни тилга олиши «биринчи марта» бўлганини айтди.
«Шимолий Корея раҳбарияти уруш тугагани эълон қилинишига халқаро миқёсда қизиқиш билдиргани кўп нарсани англатади», — деди Жанубий Корея президенти маъмуриятининг юқори мартабали расмийси шу муносабат билан.
Ким Чен Ин XIV Олий Халқ Ассамблеясининг (ОХҚ) 5-сессиясидаги нутқида шундай деган эди: «Жанубий Корея ўз сиёсатида нохолис ва адолатсиз икки томонлама стандартларга амал қилишда давом этар экан ва сўзларни амаллар билан тасдиқламас экан, уруш тугагани эълон қилинган тақдирда ҳам жанговар ҳаракатлар давом этади».
Кореялараро уруш (1950—1953) тинчлик шартномаси билан эмас, балки ўт очишни тўхтатиш ҳақидаги сулҳ имзоланиши билан якунланганидан бери Корея яримороли ҳали ҳам расмий равишда уруш ҳолатида. Сулҳни бир томондан КХДР ва Хитой қўшинлари қўмондонлари, иккинчи томондан эса БМТ байроғи остидаги АҚШ имзолаган. КХДРнинг тинчлик шартномасини имзолашга бўлган кейинги барча уринишлари АҚШ томонидан рад этилди.
АҚШ президенти Дональд Трамп даврида мисли кўрилмаган АҚШ—Шимолий Корея саммити музокаралари бошланди, унинг бошида урушни расман тугатиш бўйича келишувга эришилди. Бироқ, амалда ҳеч қандай сезиларли натижалар кузатилмади.
Изоҳ (0)