Нигериянинг Лагос шаҳрида 21 қаватли бинонинг қулаши оқибатида 100 га яқин киши вайроналар остида қолиб кетди, деб хабар беради «Korrespondent.net».
Гувоҳларнинг маълум қилишича, кўп қаватли бино қулаган вақтда у ерда 100 га яқин қурувчи ишлаётган бўлган, ҳозирда улар бедарак йўқолган деб ҳисобланмоқда.
Шу билан бирга, қутқарувчилар вайроналар остида тирик қолган уч кишини чиқариб олишга муваффақ бўлган. Улар шифохонага етказилган.
Ўз навбатида PM News нашрининг маълум қилишича, бинонинг қулаши оқибатида камида етти киши ҳалок бўлган бўлиб, уларнинг жасади юзага олиб чиқилган. Айни вақтларда қидирув-қутқарув ишлари давом этмоқда.
Аввалроқ Грузиянинг Батуми шаҳрида 5 қаватли уй қулаб тушгани, Флоридада 12 қаватли турар жой қулаб тушиши оқибаитда 99 киши бедарак йўқолгани тўғрисида хабар берилганди.
Мавзуга доир:
Изоҳ (0)