AQShning Florida shtatida Mayami shahri chekkasida 12 qavatli turar joy qulab tushdi, deb yozadi Meduza.

Foto: Twitter

Voqea 24-iyun kuni tunda sodir bo‘ldi. Oqibatda kamida bir kishi halok bo‘lgan. Qulash vaqtida uy ichida bo‘lgani taxmin qilinayotgan yana 99 kishi bedarak yo‘qolgan deb hisoblanmoqda.

ABC telekanali yuqori mansabli amaldorga tayanib ma’lum qilishicha, kamida uch kishi halok bo‘lgan.

Yo‘qolganlar orasida Paragvay birinchi xonimi Silvana Lopes Moreyraning qarindoshlari ham bor.

Qariyb 35 kishi binoning butun qolgan qismidan evakuatsiya qilingan, yana ikki kishi vayronalar ostidan chiqarib olingan.

Tirik qolganlarni qidirish ishlari davom etmoqda. Florida gubernatori Ron Desantisning ma’lum qilishicha, qutqaruvchilar vayronalar ostida qolgan odamlarning ba’zilari bilan aloqa o‘rnatgan.

Bino 1981-yilda qurilgan. Unda 136 ta xonadon bo‘lib, shularning 55 tasi vayron bo‘lgan. Bino nima sababdan qulab tushgani hozircha noma’lum.