Гоҳида шундай воқеалар рўй берадики, шифокор билан маслаҳатлашиш учун вақт кам, уйдан эса қон босимини пасайтирувчи дори воситалари топилмайди. Шундай вазиятда ушбу маҳсулотлар беморга ёрдам бериши мумкин.
Фото: «Домашний очаг»
Агар қон босими мунтазам равишда 140/100 дан ошса, шошилинч тарзда шифокорга мурожаат қилиш керак. Гипертония жиддий хавф омили бўлиб, қон томирлари ва юрак касалликлари хавфини сезиларли даражада оширади. Шифокор кўригидан ўтиш ва унинг барча кўрсатмаларига риоя қилиш, агар керак бўлса, дори-дармонларни қабул қилиш жуда муҳимдир. Ва албатта, нормал қон босими даражасида жуда муҳим омил — соғлом овқатланишдир. Қуйида қон босимини пасайтириш ва уни хавфсиз даражада сақлашга ёрдам берадиган 10 та маҳсулот билан танишиб чиқинг.
Пиширилган картошка
Картошка магний ва калийга бой бўлиб, калий танадан қон босимини кўтарадиган ортиқча натрийни самарали равишда олиб ташлашга ёрдам беради, магний эса соғлом равишда қон оқимини рағбатлантиради.
Сут ва сут маҳсулотлари
Бир стакан сут кальций ва D витамини туфайли қон босимини 3—10 фоизга камайтиришга ёрдам беради. Сут ва сут маҳсулотларини мунтазам истеъмол қилиш юрак хасталиклари хавфини 15 фоизга камайтириши мумкин. Бундан ташқари, сутни мунтазам равишда истеъмол қилиш кальций миқдорини оширади. Тадқиқотлар шуни кўрсатадики, бу микроэлементнинг етишмаслиги гипертония хавфини оширади.
Тухум
Кўп йиллар давомида тухумни тез-тез истеъмол қилиш холестерин туфайли юрак учун хавфли бўлиши мумкин, деган қараш мавжуд эди. Аммо яқинда ўтказилган тадқиқотлар бу нотўғри фикрни рад этди ва тухум оқи қон босимини пасайтиришга ёрдам бериши мумкинлигини кўрсатди. Аслида, тухум оқи юқори қон босимини пасайтириш учун энг кўп ишлатиладиган дори воситаси билан бир хил натижани беради.
Брокколи
Бу фойдали сабзавот таркибида қон босимини пасайтирадиган минераллардан магний, кальций ва калий мавжуд. Бундан ташқари, брокколини рационга киритиш инсульт, юрак-қон томир касалликлари ва гипертония хавфини сезиларли даражада камайтиради. Брокколи новдаларида артерияларнинг шикастланишини камайтирадиган кўплаб бирикмалар мавжуд.
Лавлаги шарбати
Америка юрак ассоциациясининг Гипертония бўйича 2013 йилда чоп этилган тадқиқотига кўра, кунига бир стакан лавлаги шарбати қон босимини 10 баллга тушириши мумкин. Бу натижага нитрат орқали эришилади, қон томирларини кенгайтиради ва қон оқимига ёрдам беради.
Банан
Бу мевалар калий миқдори бўйича чемпион бўлиб, битта банан, тахминан, 420 миллиграмм ёки кунлик қийматнинг 11 фоизини ташкил қилади. Калий эса юрак ва қон томирлари саломатлиги учун жуда муҳим.
Қора шоколад
Энг мазали дори — таркибида какао бўлган шоколад. Ушбу муолажада қон томирларини эластикроқ қиладиган кўплаб махсус антиоксидант флаваноллар мавжуд. Кунига бир неча бўлак қора шоколад истеъмол қилиш фақат фойда келтиради!
Оқ ловия
Калий, магний ва кальций миқдори юқори бўлган яна бир маҳсулот. Оқ ловия қон босимини нормаллаштиришга ёрдам берадиган муҳим микроэлементдир. Фақат бир порция ловия таркибида кунлик 13 фоиз кальций, 30 фоиз магний ва 24 фоиз калий мавжуд.
Анор
Уч ҳафта давомида кунига бир стакан анор шарбати қон босимини пасайтиришга ёрдам беради. Шунчаки кунни шу ичимлик билан бошлаш ва гипертония хавфидан хавотир олмаслик мумкин.
Сули ёрмаси
Нонушта учун жўхори уни саломатлик, шу жумладан, қон босимини нормаллаштириш ҳақида жиддий ташвишланадиган ҳар бир киши учун ажойиб танловдир. Ушбу таомда мавжуд клетчаткалар систолик ва диастолик қон босимининг соғлом даражасини, шунингдек, тана вазнини сақлашга ёрдам беради. Бу юрак ва қон томирларининг саломатлиги учун жуда муҳимдир.
