Британиялик хонанда Эд Ширанда коронавирус аниқланди. Хонанда ўз ўзини яккалашини эълон қилган

Британиялик хонанда Instagram саҳифасида коронавирус билан зарарлангани ва ўз ўзини яккаламоқчи экани ҳақида маълум қилди.

«Афсуски коронавирусга топширган тестимнинг натижаси ижобий чиқди, шу боис ўз ўзимни яккалаб, ҳукуматнинг барча кўрсатмаларига амал қиламан», – деб ёзган қўшиқчи.

Шунингдек, у барча режалаштирилган интервью ва концертларни уйдан туриб амалга оширишини таъкидлаган. «Кимнинг ҳафсаласини пир қилган бўлсам узр сўрайман. Ўзингизни асранг», – деб қўшимча қилган Ширан.

Эслатиб ўтамиз, хонанда 2011 йилда «The a team» номли қўшиғи сабаб машҳурликка эришган. Унинг барча: «+» (2011), «×» (2015), «÷» (2017) ва Nо.6 collaborations project (2019) альбомлари Британиянинг мусиқий чартларида етакчилик қилган. «Thinking out loud» қўшиғи туфайли 2019 йилда иккита Грэмми мукофотини қўлга киритган. Шу йили Forbes’нинг энг кўп ҳақ тўланадиган мусиқачилар рейтингидан ўрин олган. Янги «=» номли альбом тақдимоти 2021 йилнинг 29 ноябрида бўлиб ўтиши режалаштирилган.