Таниқли қўшиқчи Энрике Иглесиас ўзининг Instagram’даги саҳифаси орқали Финал номли альбоми карьерасидаги сўнгги мусиқий альбомга айланиши мумкинлигини эълон қилди, деб хабар беради PeopleTalk.
«Балки бу менинг сўнгги альбомим бўлар», — дейди мухлислар саволига жавоб берган Энрике. «Бу сўнгги ойлар давомида ўйлаган нарсам эмас. Бу ҳақда бир неча йилдан бери ўйлаб келаман», — дея тан олган қўшиқчи.
Ўзининг Рики Мартин ва Себастьян Ятра билан амалга ошириладиган турини тарғиб қилар экан, Энрике тақдим этиладиган пластинкага оид айрим маълумотларни ошкор қилди: «1- ва 2-томлар бўлади, аммо улар якуний», — дейди Иглесиас. «Билмайман. Ҳозирда ҳаётимнинг альбом тақдим этиш кераклиги бобида турибман ва бу ҳақида 2015 йилдан бери ўйлайман».
Шу билан бирга, Энрикенинг таъкидлашича, у мусиқа соҳасидан бутунлай кетиш ниятида эмас. Қўшиқчи турли композициялар ёзишни давом эттиради, аммо уларни ким ва қандай усулда ижро этиши номаълум: «Қўшиқлар альбомга жойланиши мажбурий эмас. Шундай экан мазкур лойиҳа мен учун муҳим», — дейди Энрике.
Изоҳ (0)