Америкалик рок-мусиқачи ва актёр Жаред Лето тузалмас дардга чалинган москвалик қизга қўнғироқ қилиб, уни туғилган куни билан табриклади. Бу ҳақда «Умид» хайрия жамғармасига таяниб, Esquire хабар берди.
Анастасия Петрова ўзининг 27 ёшга тўлган куни хосписда (тузалмас дардга чалинган беморларга ёрдам кўрсатувчи тиббий-ижтимоий муассаса) нишонлаган. Қиз Лето ва Thirty Seconds to Mars гуруҳининг ижодини жуда яхши кўради, шу сабабли Анастасиянинг акаси хайриячилардан артистнинг табригини ташкиллаштиришни сўраган. Натижада Настянинг орзуси амалга ошган.
Жаред Лето видеоалоқа орқали унга қўнғироқ қилган ва уларнинг суҳбати тахминан 11 дақиқа давом этган. У Настянинг ҳаёти, оиласи ва ити ҳақида сўраган, шунингдек, ўз фикрлари билан бўлишган. Қиз Летога 10 йилдан бери уйида сақланаётган унинг картондан ясалган тасвирини кўрсатган.
https://www.instagram.com/p/CU-kG1dFWHg/
Мусиқачи «пелмен»ни яхши кўришини, бироқ рус тилида гапиришни уддалай олмаётганини тан олган. Шунга қарамай, у Россиядаги концертларида гапиришни яхши кўрадиган жумласини рус тилида айтган: «Нега тўнкага ўхшаб турибсан?». Суҳбат якунида Лето Настянинг қариндошларига салом йўллаган ва ёнида бўлганида уни қучоқлаб қўйган бўлишини айтган.
«Умид» жамғармаси ходимлари Жаред Лето билан унинг дўстлари ва шериклари орқали боғланишга муваффақ бўлган. Шунингдек, уларга Нюта Федермессер ва таниқли телебошловчи Инан Ургант ёрдам берган.
Изоҳ (0)