Britaniyalik taniqli xonanda o‘tgan yilning avgustida o‘tkazgan konsertlaridan rekord darajadagi — 775 million dollar daromad ko‘rgan hamda chegaralanmagan vaqtga dam olishga ketgan edi.

Foto: Reuters

Hello nashrining yozishicha, konsertdan tushgan barcha pullar Edning sof foydasi hisoblanadi. Hozirda xonandaning daromadi 200 million funt sterlingga (243 million dollar) baholanadi.

Shiran o‘zining ko‘p sonli uylaridan birida oilasi bilan dam olmoqda. Xonanda Saffolk, Kensingtondagi uylar va Londonning turli tumanlaridagi xonadonlar hammasi bo‘lib 27 ta ko‘chmas mulkka egalik qiladi.

Qayd etilishicha, Ed shuncha uyning hammasini naqd pulga sotib olgan va ular uchun 57 million funt sterling (70 million dollar) to‘lagan.

“Aksariyat mashhurlar bunday ko‘chmas mulkni ipoteka olib xarid qiladi. Biroq Edning puli shu qadar ko‘pki, u katta xaridlarni ham naqd pulda amalga oshiradi”, — deyiladi xabarda.

Ed Shiranning Saffolk grafligidagi mulki

Foto: Hello

Ed Shiranning Saffolk grafligidagi mulki

Foto: Hello

Ed Shiranning Saffolk grafligidagi mulki

Foto: Hello