Ўзбекистон президенти сайловида мамлакатдаги сайлов участкаларида соат 15:00 ҳолатига кўра сайловчиларнинг 64,2 фоизи иштирок этди, деб хабар берди Марказий сайлов комиссияси.
Сайлов участкалари очилганидан сўнг ўтган 7 соат вақт давомида жами 19 859 127 нафар сайловчининг 12 748 549 нафари овоз берди.
Соат 15:00 ҳолати бўйича сайловчиларнинг энг юқори фаоллиги Фарғона вилоятида (71,9 фоиз), энг сусти эса Тошкент вилоятида (53,7 фоиз) кузатилди.
Ўзбекистон президенти сайловида овоз бериш жараёни 24 октябрь куни соат 20:00 га қадар давом этади. Тошкент вақти билан соат 11:00 ҳолатига кўра рўйхатга олинган жами сайловчилар (19 859 127 киши)нинг 33,6 фоизи ёки 6 669 552 киши овоз бериб бўлди ва жорий сайловлар ўтган деб топилди.
Изоҳ (0)