Олий Мажлис Сенати раиси Танзила Норбоева Тошкент шаҳридаги 362-сайлов участкасига оила аъзолари билан келиб, президент сайловида овоз берди. Бу ҳақда Сенат матбуот хизмати хабар берди.
Эслатиб ўтамиз, Ўзбекистонда президент сайлови 24 октябрь куни соат 08:00 дан бошланди. Бир қатор вилоят ҳокимлари, жумладан, Қашқадарё, Сурхондарё, Сирдарё, Бухоро, Фарғона, Хоразм ва Тошкент вилояти ҳокимлари, шунингдек, Тошкент шаҳар ҳокими Жаҳонгир Ортиқхўжаев биринчилар қаторидан президент ўзи муносиб деб топган номзодга овоз берди. Бош вазир Абдулла Арипов ҳам оиласи билан бирга президентлик сайловида овоз берди.
Ўзбекистонда жами сайловчилар сони 19 миллион 859 минг 127 кишини ташкил қилмоқда. Соат 11:00 га қадар уларнинг 6 миллион 669 минг 552 нафари, яъни 33,6 фоизи овоз берди ва сайлов ўтган деб ҳисобланди.
2021 йилги Ўзбекистон президенти сайловида иштирок этаётган номзодларнинг бари овоз бериш ҳуқуқидан фойдаланиб бўлди. Бешала номзод овоз бериш жараёнида оила аъзолари билан бирга қатнашди.
Марказий сайлов комиссияси раиси Зайниддин Низомхўжаевнинг маълум қилишича, президент сайлови қонунчилик ва демократик тамойилларга асосланган ҳолда бўлиб ўтмоқда.
Изоҳ (0)