2021-yilgi O‘zbekiston prezidenti saylovida ishtirok etayotgan nomzodlarning bari ovoz berish huquqidan foydalanib bo‘ldi. Beshala nomzod ovoz berish jarayonida oila a’zolari bilan birga qatnashdi.

Soat 9:01 da Ekologik partiyadan ko‘rsatilgan nomzod Narzullo Oblomurodov Toshkentning Yangi Hayot tumanidagi 579-saylov uchastkasida ovoz berdi. U saylov uchastkasiga oila a’zolari bilan birga tashrif buyurdi.

Foto: “Daryo” / Ma’murjon Obrahmatov

Narzullo Oblomurodov va uning oila a’zolari.

Foto: “Daryo” / Ma’murjon Obrahmatov

Soat 9:59 da “Adolat” sotsial-demokratik partiyasidan ko‘rsatilgan nomzod Bahrom Abduhalimov Shayxontohur tumanidagi 132-maktabda tashkil etilgan 405-saylov uchastkasida ovoz berdi. Unga rafiqasi, o‘g‘li, kelini va nevaralari hamrohlik qilgan.

Foto: “Daryo” / Ma’murjon Obrahmatov

Bahrom Abduhalimov va uning oila a’zolari.

Foto: “Daryo” / Ma’murjon Obrahmatov

Soat 10:16 da jurnalist Aziza Qurbonova Liberal-demokratik partiyadan ko‘rsatilgan nomzod Shavkat Mirziyoyev Mirzo Ulug‘bek tumani “Alisher Navoiy” mahallasidagi 59-saylov uchastkasiga to‘qqiz nafar oila a’zosi bilan tashrif buyurib, ovoz berib bo‘lgani haqida ma’lum qildi.

Foto: Telegram / @xushnudbek

Chapdan: Otabek Umarov, Shahnoza Mirziyoyeva, Ma’rifatxon Umarova — Ziroat Mirziyoyeva, Miralisher Mirziyoyev, Shavkat Mirziyoyev — Miromon Tursunov, Saida Mirziyoyeva, Saodatxon Tursunova, Oybek Tursunov.

Foto: Telegram / @xushnudbek

Xuddi shu vaqtda (soat 10:16 da) Uchtepa tumanidagi 116-maktabda tashkil etilgan 206-saylov uchastkasiga turmush o‘rtog‘i va nevaralari bilan birga tashrif buyurgan Xalq demokratik partiyasi nomzodi Maqsuda Vorisova ovoz berdi.

Maqsuda Vorisova turmush o‘rtog‘i va nevaralari bilan birga.

Foto: “Daryo” / Dilruh Isomiddinova

Foto: “Daryo” / Dilruh Isomiddinova

Soat 10:19 da “Milliy tiklanish” partiyasidan ko‘rsatilgan nomzod Alisher Qodirov Toshkent shahridagi 83-maktabda tashkil etilgan 116-saylov uchastkasida ovoz berdi. U saylov uchastkasiga rafiqasi hamrohligida keldi.

Alisher Qodirov rafiqasi bilan birga.

Foto: “Daryo” / Madina Nurman

Foto: “Daryo” / Madina Nurman

Eslatib o‘tamiz, O‘zbekiston prezidenti saylovida ovoz berish jarayoni 24-oktabr kuni soat 20:00 ga qadar davom etadi. Markaziy saylov komissiyasi axborotiga ko‘ra, Toshkent vaqti bilan soat 11:00 holatiga ro‘yxatga olingan jami saylovchilar (19 859 127 kishi)ning 33,6 foizi yoki 6 669 552 kishi ovoz berib bo‘lgan. “Demak joriy saylovlar o‘tgan deb hisoblanadi va bu bilan barcha saylov jarayoni ishtirokchilarini tabriklaymiz”, — deya ma’lum qildi Markaziy saylov komissiyasi raisi o‘rinbosari Bahrom Qo‘chqorov.

Soat 9:00 holatiga saylovchilarning eng yuqori faolligi Farg‘ona (16,9 foiz) va Namangan viloyatlarida (14,9 foiz), eng susti esa Toshkent shahri (7,2 foiz), Toshkent (8,1 foiz) va Navoiy viloyatlarida (8,6 foiz) kuzatilayotgan edi.