2021 йилги Ўзбекистон президенти сайловида иштирок этаётган номзодларнинг бари овоз бериш ҳуқуқидан фойдаланиб бўлди. Бешала номзод овоз бериш жараёнида оила аъзолари билан бирга қатнашди.
Соат 9:01 да Экологик партиядан кўрсатилган номзод Нарзулло Обломуродов Тошкентнинг Янги Ҳаёт туманидаги 579-сайлов участкасида овоз берди. У сайлов участкасига оила аъзолари билан бирга ташриф буюрди.
Соат 9:59 да «Адолат» социал-демократик партиясидан кўрсатилган номзод Баҳром Абдуҳалимов Шайхонтоҳур туманидаги 132-мактабда ташкил этилган 405-сайлов участкасида овоз берди. Унга рафиқаси, ўғли, келини ва неваралари ҳамроҳлик қилган.
Соат 10:16 да журналист Азиза Қурбонова Либерал-демократик партиядан кўрсатилган номзод Шавкат Мирзиёев Мирзо Улуғбек тумани «Алишер Навоий» маҳалласидаги 59-сайлов участкасига тўққиз нафар оила аъзоси билан ташриф буюриб, овоз бериб бўлгани ҳақида маълум қилди.
Маърифатхон Умарова — Зироат Мирзиёева, Miraлишер Мирзиёев, Шавкат Мирзиёев — Миромон Турсунов, Саида Мирзиёева, Саодатхон Турсунова, Ойбек Турсунов." data-action="zoom" class="border lazyload" />
Худди шу вақтда (соат 10:16 да) Учтепа туманидаги 116-мактабда ташкил этилган 206-сайлов участкасига турмуш ўртоғи ва неваралари билан бирга ташриф буюрган Халқ демократик партияси номзоди Мақсуда Ворисова овоз берди.
Соат 10:19 да «Миллий тикланиш» партиясидан кўрсатилган номзод Алишер Қодиров Тошкент шаҳридаги 83-мактабда ташкил этилган 116-сайлов участкасида овоз берди. У сайлов участкасига рафиқаси ҳамроҳлигида келди.
Соат 9:00 ҳолатига сайловчиларнинг энг юқори фаоллиги Фарғона (16,9 фоиз) ва Наманган вилоятларида (14,9 фоиз), энг сусти эса Тошкент шаҳри (7,2 фоиз), Тошкент (8,1 фоиз) ва Навоий вилоятларида (8,6 фоиз) кузатилаётган эди.
Изоҳ (0)