Ўзбекистонда ишлаб чиқарилган ZF-UZ-VAC2001 вакцинасининг 2,7 миллиондан ортиқ дозаси эмлаш учун топширилди

20 октябрь куни Jurabek Laboratories МЧЖ қўшма корхонасида тайёрланган ZF-UZ-VAC2001 вакцинасининг 2 755 820 дозаси эмлаш учун топширилди, деб хабар беради ССВ матбуот хизмати.

Шундай қилиб, Ўзбекистонда эмлаш жараёнларида фойдаланилаётган жами вакцина 34 951 358 дозани ташкил қилмоқда. Улардан:

• 1 594 480 дозаси AstraZeneca,
• 25 933 818 миллион дозаси ZF-UZ-VAC2001,
• 720 500 дозаси «Спутник V»,
• 3 000 060 дозаси Moderna,
• 1 726 500 дозаси Pfizer/BioNTech,
• 1 976 000 дозаси Sinovac вакцинасидир.

Эслатиб ўтамиз, Jurabek Laboratories томонидан ишлаб чиқарилган ўзбек-хитой вакцинасининг 1 458 820 дозадан иборат биринчи партияси 30 сентябрь куни топширилганди. 13 октябрь куни ZF-UZ-VAC2001 вакцинасининг иккинчи партияси ишлаб чиқарилган ва Санитария-эпидемиологик осойишталик ва жамоат саломатлиги хизматига етказиб берилган эди.