Sotheby’s аукцион уйи XVII—XVIII асрларда Бобурийлар даврига тегишли олмос ва зумрад линзалари ўрнатилган бир жуфт кўзойнак сотувга қўйилди, деб хабар беради Esquire.
Кўзойнаклардан бирига ўрнатилган олмос линзалар 200 қиротли яхлит қимматбаҳо тошдан тайёрланган. Иккинчиси эса 300 қиротли яхлит зумраддан ишланган. Линзалар кўзойнак гардишига тахминан 1890 йилда жойлаштирилган.
Кўзойнакларнинг бири 1,5—2,5 миллион фунтга баҳоланмоқда. 27 октябрь куни, аукцион олдидан улар Гонконг ва Лондондаги кўргазмаларда намойиш этилади.
Sotheby’s мутахассисларининг таъкидлашича, олдинлари одамлар қимматбаҳо тошли линзалар «руҳий баркамолликка эришишга кўмаклашади» деб ҳисоблаган: бриллиантлар «ақлни равшанлаштиради», зумрадлар «даволаш хусусиятига ҳамда мўъжизавий кучга эга ва ёвузликни қайтаради».
Зумрад линзали кўзойнаклар Катта Пилинийнинг қадимги Рим ҳақидаги «Табиий тарих» китобида ҳам келтирилган. Унинг ёзишича, император Нерон кўзойнаклар орқали гладиаторлар жангини кузатган.
Аввалроқ Chanel кўриниши флаконни эсга соладиган 55,55 қиротли маржон ишлаб чиқаргани, Dior бренди атиргуллардан илҳомланиб яратилган янги тақинчоқлар коллекциясини тақдим этгани тўғрисида хабар берилганди.
Изоҳ (0)