АҚШнинг Флорида штатида яшовчи аёл бир кунда иккита лотереядан 2 миллион доллардан пул мукофоти ютиб олди, деб хабар беради Esquire.
64 ёшли Сьюзен Фиттон сентябрь ўрталарида Mega Millions лотерея чиптасидан иккита сотиб олган бўлиб, ундаги рақамлар комбинацияси мос келган. Ўйин вақтида автомат чиқарган бешта шар ушбу комбинацияни ҳосил қилган.
Натижада америкалик аёл 4 миллион долларни қўлга киритган. Сьюзен чипта харид қилган дўконга 10 минг доллар миқдорига мукофот берилади.
Таъкидланишича, Mega Millions’да ғолиб бўлиш учун катта омад керак. Экспертларнинг ҳисоб-китобига кўра, 1 миллион доллар ютиш эҳтимоллиги 12 607 306 га 1 ни ташкил этади.
Аввалроқ америкалик аёл коронавирусга қарши эмланганлар ўртасида ўтказилган лотереяда 2 миллион доллар ютиб олгани тўғрисида хабар берилганди.
Изоҳ (0)