Shveysariyada atirgul ko‘rinishidagi olmos rekord narxda sotildi (foto)

Shveysariyaning Jeneva shahrida bo‘lib o‘tgan Sotheby’s kimoshdi savdosida atirgul ko‘rinishidagi pushti olmos shu turdagi toshlar ichida rekord narxda sotildi. Uning narxi 26,6 million dollarni tashkil etadi, deb yozadi “Korrespondent.net”.

Bu hozirgacha kimoshdi savdosida sotilgan eng katta pushti olmos. Uning og‘irligi 14,83 qirot bo‘lib, tosh Rossiyada qazib olingan.

Eng qizig‘i, olmosni sotib olgan xaridor ismi sir saqlanmoqda, u kimoshdi savdosida telefon orqali qatnashgan.