Австралиядан Италияга учган америкалик Мэри Майстерга самолёт салонига итини олиб киришга рухсат берилди. Шу орқали Льюис лақабли този ит дунёнинг ярмини ўз эгаси билан бирга бизнес-классда учиб ўтди, деб хабар беради «Korrespondent.net».
Таъкидланишича, чегаралар ёпиқлиги ва Мельбурндан Флоренцияга парвозлар чеклангани сабаб саёҳат уч кун давом этган. Шу сабабли Мэри Льюисни юкхонага топширишни истамаган.
Бундан ташқари, қиз аввалроқ депрессиядан даволанган бўлиб, унинг шифокори авиакомпанияга ариза ёзиб, ит бутун парвоз давомида «ҳиссий қўллаб-қувватлов» мақсадида Мерининг ёнида бўлиши кераклигини маслаҳат берган.
Singapore Airlines авиакомпанияси Льюисни бортга олишга ва ҳатто салондаги бўш жойни эгаллашга рухсат берган, чунки рейс деярли бўш бўлган. Натижада ит бизнес-классдаги ўриндиқда ухлаб кетган, стюардесса эса уни кекс ва круассанлар билан меҳмон қилган.
«Уларнинг барчаси [стюардессалар] Льюис шу пайтгача парвозда кўрган энг тарбияли ит эканлигини айтишди», — дейди Майстер.
Аввалроқ британиялик собиқ ҳарбий Кобулдан 200 та ит ва мушукларисиз кетишни истамагани тўғрисида хабар берилганди.
Изоҳ (0)