Ўзбекистонда йил бошидан буён қанча чақалоқ туғилгани маълум қилинди

Ўзбекистонда 2021 йилнинг 1 октябрь ҳолатига кўра 670 700 та туғилиш қайд этилган. Бу ҳақда Давлат статистика қўмитаси маълум қилди.

Маълум қилинишича, 2021 йилнинг 9 ойидаги туғилишлар сони 2020 йилнинг мос даври билан солиштирилганда 9,1 фоизга ошган. 30 йилда туғилишлар сони 16,4 фоизга ошган.

Ўзбекистонда 2019 йилнинг 1 январь куни 1708 нафар, 2020 йилнинг шу куни эса 1974 нафар чақалоқ дунёга келганди. 2021 йилнинг 1 январь куни Ўзбекистонда 1086 нафар чақалоқ туғилган.

Соғлиқни сақлаш вазирлигининг маълумотига кўра, айни пайтда Ўзбекистондаги мавжуд 227 та туғруқ муассасасида 5300 та акушер-гинеколог штати мавжуд бўлиб, у ерда тажрибали мутахассислар фаолият кўрсатмоқда.

Ушбу йўналишда мамлакатда 11,5 мингдан зиёд шифо-ўринлари мавжуд.