Тошкент шаҳар Яшнобод туманида автобус иштирокида йўл-транспорт ҳодисаси содир бўлди, дея хабар бермоқда пойтахт ИИББ ахборот хизмати.
Маълум қилинишича, 2021 йилнинг 8 октябрь куни соат 07:00 ларда Яшнобод тумани Уйсозлар 1-тор кўчалари кесишган чорраҳада 34 ёшли ҳайдовчи М.Қ. бошқарувидаги Mercedes-Benz русумли давлат рақами 01 155 WBA бўлган йўловчи ташувчи автобусда ҳаракат давомида бошқарувни йўқотиб, ушбу чорраҳадаги светофор ва йўл ёқасидаги уйга бориб урилиб, тўхтаган.
Тўқнашув натижасида тан жароҳати олганлар йўқ, ушбу автобусда фақат ҳайдовчининг ўзи бўлган.
Ҳолат юзасидан суриштирув ишлари олиб борилмоқда.
Бундан аввал Тошкентда сентябрь ойида йўловчилар энг кўп фойдаланган автобус йўналиши маълум қилингани, Тошкентда ҳаракат вақтида телефонда гаплашган автобус ҳайдовчиси ишдан олингани ҳамда Тошкентда 5 ойда автобуслар иштирокида 35 та ЙТҲ содир этилгани ҳақида хабар берилганди.
Изоҳ (0)