Голливуднинг Шон-шуҳрат хиёбонида 6 октябрь куни актёр Дэниэл Крейгга атаб юлдуз ўрнатилади, деб хабар беради «Film.ru».
Маросим 8 октябрь куни АҚШда катта экранларга чиқадиган «Ўлиш вақти эмас» фильмига бағишланган. Тантанали маросимда Крейгнинг ушбу картина бўйича ҳамкасби Рами Малек ва Жеймс Бонд ҳақидаги фильмлар продюсерлари Барбара Брокколи ҳамда Майкл Ж.Уилсон сўзга чиқади.
Крейг «Жосус 007» ҳақидаги фильмларда ижро этган роли учун «юлдуз»га эга бўлган тўртинчи актёрга айланади. Бунга қадар ушбу шарафга Дэвид Нивен, Рожер Мур ва Пирс Броснан лойиқ кўрилган. Крейгнинг юлдузи 7007 Hollywood Boulevard манзилида, Мурнинг юлдузи ёнига жойлаштирилади.
Аввалроқ Жеймс Бондни гавдалантирган актёрлар рейтинги эълон қилинганди. Унда биринчи ўринни Шон Коннери эгаллаган. Шунингдек, Дэниэл Крейг Жеймс Бонд каби Британия ҳарбий денгиз флотининг фахрий офицерига айланган.
Изоҳ (0)