Deniyel Kreyg Bond rolini ijro etgan so‘nggi kartinaning premyerasi munosabati bilan Yan Flemingning romanlarida tasvirlangan bosh qahramon rolini ijro etgan aktyorlar reytingiga to‘xtalib o‘tamiz.

Yettinchi o‘rin — Jorj Lezenbi

Foto: Getty Images

Avstraliyalik aktyor Jeyms Bond haqidagi filmning atigi bittasidagina — 1969-yili ekran yuzini ko‘rgan “Hazrati oliyalarining maxfiy xizmatida” (On her majesty’s secret service) suratga tushgan. Qizig‘i, bu Jorjning debyut roli va suratga olish maydonchasidagi ilk tajribasi bo‘lgan. Jeyms Bond haqida o‘ylaganimizda uning ismi eng oxirgi bo‘lib xayolimizga kelishining sababi ham bejiz emas. Lezenbining ham o‘ziga yarasha muxlislar bor ekanini inkor qilib bo‘lmaydi, ammo ularning soni Bondni gavdalantirgan boshqa aktyorlardan sezilarli darajada kam.

Oltinchi o‘rin — Devid Niven

Foto: Getty Images

Jorj singari mashhur josus haqidagi filmlardan bittasida ko‘rish mumkin ekanligi bois Devid ham mazkur reytingdagi so‘nggi o‘ringa loyiq topilgan. Niven 1967-yilda suratga olingan “Kazino Royal” (Casino royale)da yoshi o‘tib qolgan, iste’fodan keyin ishga qaytgan Bond rolini ijro qilgan. Film IMDb reytingida past natija (atigi 5.1) qayd qilganiga qaramay, Niven hamkasbi Jorj Lezenbidan mashhurroq sanaladi.

Beshinchi o‘rin — Timoti Dalton

Foto: Elle

Har oyda Jeyms Bond rolidagi Timoti Dalton qidiruv tizimlarida 49 500 marta qidiriladi, Vikipediyadagi sahifaga tashriflarning umumiy soni esa deyarli 7,5 millionni tashkil qiladi. 1987-1989-yillar oralig‘ida u josus 007 haqidagi ikkita film: “Ko‘z chaqnashi” (The living daylights) va “Qotillik uchun ruxsatnoma” (Licence to kill)da suratga tushgan. Aksariyat muxlislar Dalton gavdalantirgan Bond obrazini Yan Flemingning romanlaridagi qahramonga yaqinroq deb hisoblaydi.

To‘rtinchi o‘rin — Rojer Mur

Foto: Getty Images

Reytingning to‘rtinchi o‘rnida Rojer Murni ko‘rish mumkin U Bond haqidagi filmlarning 1973-yildan 1985-yilgacha chiqqan 7 ta qismida suratga tushgan. “Yasha va o‘lishga qo‘yib ber” (Live and let die), “Tilla to‘pponchali odam” (The man with the golden gun), “Meni sevib qolgan josus” (The spy who loved me), “Oy poygachisi” (Moonraker), “Faqat sening ko‘zlaring uchun” (For your eyes only), “Sakkizoyoq” (Octopussy) va “Qotillik ko‘rinishi” (A view to a kill) kartinalarida bosh qahramonni gavdalantirgan. Muxlislar qalbidan joy olishining sababi rolga hazilkashlik bilan yondashib, qahramoniga o‘ziga xoslikni baxsh etgani bo‘lgan. Masalan, uning ijrosidagi Bond hech qachon mashhur martiniga buyurtma bermagan.

Uchinchi o‘rin — Pirs Brosnan

Foto: Elle

Aktyorning Vikipediyadagi sahifasi (oyiga 110 ming marta qidirilishini hisobga olmaganda) sal kam 18,5 million marta ko‘rilgan. Brosnan 1995—2002-yillar oralig‘ida Jeyms Bond haqidagi 4 ta film, xususan, (Golden eye) va “Halok bo‘l, lekin hozir emas” (Die another day)larda suratga tushgan. Didining nozikligi va zakovati bilan yaxshi ma’lum bo‘lgan Brosnan eng sevimli Jeyms Bondlar ro‘yxatida uchinchi bo‘lib turadi.

Ikkinchi o‘rin — Deniyel Kreyg

Foto: Elle

Ikkinchi o‘rindan kostyum va superkarlar kolleksiyasi sohibi Deniyel Kreyg o‘rin olgan. Aktyor Bond haqidagi filmlardan beshtasida suratga tushgan. 2021-yilning 30-sentabrida premyerasi bo‘lishi kutilayotgan “O‘lish vaqti emas” (No time to die) filmi shular jumlasidan. U Bondni gavdalantirgan filmlar orasida hozircha 2006-yilda suratga olingan “Kazino royal” reytinglarda eng yuqori natijani bilan turibdi.

Birinchi o‘rin — Shon Konneri

Foto: Elle

Shon Konnerining hech ikkilanmay ushbu reytingda yetakchilik qilishga arzishini e’tirof qilish mumkin. Har oyda 450 000 odam Google’da u haqida ma’lumot qidiradi. Vikipediyadagi sahifasiga esa 30 milliondan ko‘proq odam tashrif buyurgan. Uning ishtirokidagi “Doktor Nou”, “Rossiyadan muhabbat bilan” (From Russia with love) singari filmlar IMDb portalida Fleming romanlarining eng yaxshi ekranizatsiyalaridan hisoblanadi. Shon ijro mahorati, istarasi va o‘ziga xos yondashuv bilan muxlislar qalbini zabt etgan. Jeyms Bond roli bilan mashhurlikka erishgan Shon Konneri 2020-yil 90 yoshda vafot etgan.