Prop Store дўкони томонидан ўтказиладиган аукцион орқали дунёга машҳур франшиза ва фильмрлардаги атрибутлар сотувга қўйилади, деб хабар беради «Film.ru».
Шундай қилиб, аукцион орқали «Вязов кўчасидаги даҳшат-3» фильмидаги Фредди Крюгернинг тиғли қўлқопини харид қилиш мумкин. Тахминларга кўра, у 27—41 минг доллар оралиғида сотилади. Шунингдек, «Хеллоуин: Қайта тирилиш» фильмидаги Майкл Майерснинг ниқоби ҳам янги эгасини топиши мумкин.
Қўрқинчли фильмлардан ташқари, оммавий маданият ихлосмандлари «Эльф» комедиясидаги Уилл Ферреллнинг костюмини, шунингдек, 21 минг долларга баҳоланаётган «Гарри Потерр ва ажал туҳфалари»даги Гриффиндор талабасининг ридосини харид қилишлари мумкин.
Энг қимматли лотлар қаторидан суперқаҳрамонларнинг костюмлари ўрин олган. Аукционда Тоби Магуайр бош ролни ижро этган «Ўргимчак одам-3» фильмидаги костюм (70 минг доллар) ва «Бэтмен абадий» картинасидаги Қора рицарнинг костюми (82 минг доллар) тақдим этилади.
Савдолар 9—11 ноябрь кунлари бўлиб ўтиши режалаштирилаётгани сабаб, харидорлар Хеллоуин байрамида ўз костюмларида қатнаша олмайди.
Аввалроқ Гарри Поттернинг сеҳрли таёқчаси ва кўзойнаги аукционга қўйилиши тўғрисида хабар берилганди.
Изоҳ (0)