Бугун,

  • USD 11095.31
  • RUB 173.84
  • EUR 10772.44

21 сентябрь куни актёр Билл Мюррей 71 ёшини нишонлади. Бир неча фильмларда муваффақиятли ролларни ижро қилганига қарамай, актёр томошабинларга айнан «Суғур куни»даги ижроси билан яхши таниш. Шуни инобатга олган ҳолда мазкур фильм билан боғлиқ қизиқарли маълумотларни эътиборингизга ҳавола қиламиз.

Сценарий

Фото: «Домашний очаг»

Фото: «Домашний очаг»

Фильм сценарий муаллифи Дэнни Рубиннинг картина ғояси устида ишлашида иккита бошланғич нуқта бор эди. Биринчиси сал аввалроқ вампирлар ҳақида ўқиган китоби бўлган. Ёзувчи мангу яшаш, унинг одамга қандай таъсир қилиши мумкинлиги ҳақида ўйга толган. Робин вазият таъсири остида ўсишга тайёр бўлмаган одамни: улғаймаган маълум бир шахсни тасаввур қилгани ҳақида ёзган. «Балки, бундай болаларнинг вақти кўпроқ бўлса, улар алал-оқибат улғаяр. Уларга бир ҳаётнинг ўзи камлик қилар, эҳтимол». Иккинчи бошланғич нуқта эса Герман Гессенинг «Сиддхартха» китоби бўлган. Ва ниҳоят Рубин ўзининг ҳамиша бир куни такрорланадиган қаҳрамон ҳақидаги ғоясини ёдга олган. Фильмнинг фалсафаси айнан шунга асосланган.

Бош қаҳрамонни Том Хэнкс гавдалантириши мумкин эди

Фото: «Домашний очаг»

Фото: «Домашний очаг»

Режиссёр Гарольд Рамис ва Билл Мюррейни бир неча йиллик ҳамкорлик ва дўстлик боғлаб турарди. 90 йиллар бошида улар «Арвоҳларни овлаб» сиквелида биргаликда суратга тушган. Бу Рамисга дастлаб бош қаҳрамонни гавдалантирувчи актёрни танлаши учун шубҳаланишига тўсқинлик қилмаган. Сценарийнинг биринчи вариантига кўра Фил 20 яшар ёш йигитча бўлган. Аммо суратга олиш ишлари бошланиши билан режиссёр қаҳрамон ёшини 40 га ўзгартирган. Айнан шу сабаб ҳам бу босқичда Гарольд Том Хэнкснинг энг яхши номзод деб билган. Навбатдаги лойиҳалар билан банд экани сабаб Том мазкур ролни ўйнашдан воз кечган. Шундан кейин ижро бир вақтнинг ўзида ёқимтой ва разил бўлиб кўринишни уддасидан чиқадиган Бил Мюррейга насиб қилган.

Фильм сабаб дўстлар орасидан қора мушук ўтган

Фото: «Домашний очаг»

Фото: «Домашний очаг»

Ҳамкорликда ишланган «Суғур куни» анча йиллик дўстларни уриштириб қўйган. Биллнинг доимий маслаҳатлари, инжиқликлари ва ҳамиша ёмон кайфиятда экани Гарольднинг жонига теккан ва оқибатда у билан гаплашмай қўйган. Дўстлар орадан 20 йил ўтибгина ярашиб олган.

Ўткир тишли суғур

Фото: «Домашний очаг»

Фото: «Домашний очаг»

Фильмда бир нечта суғур суратга олинган. Улар Панксатони шаҳридаги ҳайвонот боғидан топилган. Тасвирга тушишни қотирадиган энг йирик суғур сакраб йўқолиш дублларидан бирида Мюррейни тишлаб олган. Актёр бу ҳақида шундай эслайди: «Суғур менга биринчи кунданоқ тиш қайрашни бошлаган».

Сунъий қор

Фото: «Домашний очаг»

Фото: «Домашний очаг»

Фильм Вудстокда суратга олинган, сюжетга кўра воқеалар февраль ойининг бошида содир бўлган. Тасвирга олиш жараёни 1992 йил 18 мартда бошланган ва июнга қадар давом этган. Шу сабаб ҳам аксарият ҳолларда сунъий қордан фойдаланилган. Бунинг учун замбаракдан ёки суратга олиш майдончаси ўт ўчиришда ишлатиладиган кўпикдан фойдаланилган.

Сценарийга киритилган ўзгартириш

Фото: «Домашний очаг»

Фото: «Домашний очаг»

Дастлаб сценарийга кўра, Мюррейнинг қаҳрамони вақт тузоғида 10 минг йил вақт кечириши керак эди. Аммо кейин сценарий қайта ишланган ва муддат 10 йилгача қисқартирилган. Бу вақт ичида Фил француз тилини, пианинода чалишни ўрганиб олган, тиббий билимларга эга бўлган ҳамда муз ҳайкалтарошлиги бўйича моҳир уста бўлган. Экранда суғур кунининг 42 марта такрорланишигина кўрсатилган.

Синмас соат

Режиссёр ва сценарий муаллиф ғоясига биноан эпизодлардан бирида Билл Мюррей будилникни уриб чилпарчин қилиши керак бўлган. Аммо соат улар ўйлаганидан ҳам мустаҳкамроқ бўлиб чиққан. Актёр бутун кучи билан отганида унда шунчаки тирналишлар ҳосил бўлган, холос. Шундан кейин болғадан фойдаланилган. Энг қизиғи, шундан кейин ҳам ундан овоз янграши тўхтамаган. Шундан кейин ўша лаҳзани қолдиришга қарор қилинган.

«Билл Мюррей бу ерга қадам босган» 

Фото: «Домашний очаг»

Фото: «Домашний очаг»

Фильм экран юзини кўргандан кейин Вудсток ҳукумати сюжетга кўра Фил Коннорс ҳар 2 февралда тушиб кетадиган кўлмакни маҳаллий диққатга сазовор жойга айлантирган. Эндиликда у ерда: «Билл Мюррей бу ерга қадам босган» деган ёзув борлигини кўриш мумкин.

Санъат асари

«Суғур куни» 1993 йил 12 февраль куни экран юзини кўрган. Мухлислар томонидан илиқ қабул қилинган картина АҚШ ва Канаданинг ўзида 71 миллион доллар тўплаган. 2007 йилда Premierе журнали мазкур фильмни ҳамма вақтнинг энг яхши 50 комедияси рўйхатига киритган. Шундан кейин Америка киносанъат институти «Суғур куни»ни фентези жанридаги энг яхши 10 фильм рўйхатида саккизинчи деб топган.

Мухлислардан мактуб

Фильм экран юзини кўргандан кейин сценарий муаллифи Дэнни Рубинга мухлислардан мактублар ёғила бошлаган. Турли дин вакиллари хат ёза бошлаган ҳамда уларнинг ҳаммаси «Суғур куни»ни айнан уларнинг эътиқодига мос иллюстрация эканини ёзиб қолдирган. Фильмда маънан ўсмайдиган одам ҳалқа ичидаги олмахон сингари айланиб юриши кўрсатиб берилган. Америка Қўшма Штатларида эса ҳар февраль ойининг иккинчи санаси «Суғур куни» сифатида нишонланади.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)