Кетказган вақтингизга ачинмайсиз: Анжелина Жоли иштирокидаги қизиқарли сюжетга эга фильмлар

Голливуднинг маҳоратли актрисаси Анжелина Жолига мухлислик қилмайдиган инсонларга ҳам қизиқарли сюжетга бой ушбу фильмларни томоша қилиш тавсия этилади.

«Ўзгартириш» Режиссёр: Клинт Иствуд 2008 йил

Полицияга ўғлининг ўғирлангани ҳақида хабар бериш учун борган Кристин Коллинзнинг ҳикояси. Тўғри, аёл тезда боласини қайтариб олади, лекин у умуман аввалгидек эмаслигини тушунади. Кристин ёрдам бериш ўрнига руҳий касалхонага йўлланма олади. Фильм режиссёри Клинт Иствуд бир аёл ва унинг сўзларига ишонмайдиган бутун дунё тўқнашуви ҳақида ҳикоя қилади. Айтганча, фильм ҳақиқий воқеаларга асосланган: 1928 йилда Калифорнияда ўғил болалар ўғирланиши ва ўлдирилиши содир бўлган, улар «Вайнвилл товуқхонасида қотиллик» деб номланган.

«Жиа» Режиссёр: Майкл Кристофер 1998 йил

Анжелина Жоли узоқ вақт Жианинг ролини рад этди: унинг сўзларига кўра, супермодель Жианинг ҳаёти уникига ўхшаб кетган. Кейинчалик нима учун Жоли рози бўлгани номаълум, лекин Жиа роли америкалик актрисанинг барча истеъдодини очиб берди. Жианинг ҳаёти ҳақиқатан ҳам ғалати ва баъзида даҳшатли воқеаларга тўла эди: ёшлигида идиш ювувчи бўлиб ишлаган қиз бир зумда дунёга машҳур супермоделга айланди. Аммо ҳали ўзи дунёни билмаган қизга ҳаёт қандай синовларни тайёрлаб қўйган эди?

«Узилган ҳаёт» Режиссёр: Жеймс Менголд 1999 йил

Анжелина Жоли ностандарт ва мураккаб ролларни яхши кўради ва тан олиш керакки, уларни ажойиб тарзда ижро этади. Америкалик актриса Лиза Роу роли учун «Олтин глобус», «Экран актёрлари гильдияси» ва «Энг яхши иккинчи даражали актриса» учун «Оскар» мукофотига сазовор бўлди. Актриса «Узилган ҳаёт» фильмида агрессив социопатик қиз ролини ўйнайди.

«60 сония ичида ўғрилик»Режиссёр: Доминик Сена 2000 йил

60 сонияда нима қила олиш мумкин? Аёллар сумкасидан телефонни топиш, харид учун пул тўлаш ёки телефон рақамини териш. Бошқаси бўлмайди. Лекин Николас Кейж ҳар қандай машинани бир дақиқада ўғирлаб кета олади ва Анжелина Жолини севиб қолади. Картина 230 миллион доллардан кўпроқ даромад топди, бу, албатта, Анжелина Жолининг маҳорати билан ҳам боғлиқ.

«Жаноб ва хоним Смит» Режиссёр: Даг Лайман 2005 йил

Фильмдаги бош актёрлар — Анжелина Жоли ва Бред Питт учун аталган роллар. Голливудда энг муваффақиятли фильмлар қаторидан жой олган. Сюжетга кўра, фильмнинг бош қаҳрамонлари аллақачон бир-бирлари ҳақида ҳамма нарсани билади. Аммо ҳар бирининг ўз сири бор: иккаласи ҳам ёлланма қотил. Бир-бирларини йўқ қилиш ҳақидаги янги буюртмани олганларида ҳаммаси аксинча бўлади.

«Ёлғон васвасаси» Режиссёр: Роберт Де Ниро 2006 йил

Фильм сценарийси Эрик Рот томонидан ёзилган, лекин узоқ вақт давомида Голливуднинг энг яхши асарларидан бири ҳисоблангани учун фильм суратга олинмаган эди. Роберт Де Ниро эса катта масъулиятни ўз зиммасига олган ва чиндан ҳам чиройли маҳсулот тайёрлаган. Анжелина Жоли дунёдаги энг қудратли махфий ташкилот — Марказий разведка бошқармаси яратувчиси Эдвард Уилсон (Мэтт Деймон) нинг рафиқасини ўйнайди.

«Лара Крофт: дахма талончиси» Режиссёр: Саймон Уэст 2001 йил

Анжелина Жолининг инсонларни экран олдига михлаб қўювчи навбатдаги роли. Ақлли ва жасур Лара нафақат гўзаллиги, балки кучли феъл-атвори билан ҳам мухлислар қалбини забт этди: қиз барча қуроллардан фойдаланишга ва ўта оғир шароитларда омон қолишга қодир.

Александр Режиссёр: Оливер Стоун 2004 йил

«Александр» фильмидаги Олимпиада ролини рад этиш катта адолатсизлик бўлар эди! Актриса «Энг ёмон актриса» номинацияси бўйича «Олтин малина»ни олганига қарамай, фильмни кўриш учун битта, лекин жуда яхши сабабни айтиш мумкин. Бу ҳатто Колин Фареллнинг иштироки эмас, балки Анжелина Жолининг илоҳий чиройи. Фильм чиққандан сўнг кўплаб қизлар Олимпиада образини яратишга ҳаракат қилди.

«Сув остидаги болалар» Режиссёр: Бибо Бержерон, Викки Женсон, Роб Леттерман 2004 йил

«Сув остидаги болалар» мультфильмида Жолининг ўзи кўринмаса ҳам, актрисага жуда ўхшаш Лола исмли персонажи орқали овози янграйди! Қувноқ, кулгили ва жуда рангли мультфильм, уни бутун оила даврасида томоша қилиш мумкин.