ИИВ ЙҲХББ ижтимоий тармоқларда тарқалган Тошкентда тез тиббий ёрдам автомобили иштирокида ЙТҲ содир бўлгани тасвирланган видео юзасидан маълумот берди.
Маълум қилинишича, 22 сентябрь куни соат 20:45 ларда Шайхонтоҳур тумани Нурафшон—Маннон Уйғур кўчалари кесишган чорраҳада 32 ёшли Д.Э. бошқарувидаги «ГАЗ-330210» русумли юк автомобили ҳамда ҳайдовчи 1959 йилда туғилган М.Э. бошқарувида бўлган Hyundai русумли тез тиббий ёрдам автомобили иштирокида тўқнашув содир бўлган.
Авария оқибатида тан жароҳати олганлар йўқ. Транспорт воситаларига техник шикаст етган.
Таъкидланишича, мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
Аввалроқ Тошкентда Nexia билан тўқнашиб, ағдарилиб кетган тез ёрдам машинасидаги йўловчи вафот этгани тўғрисида хабар берилганди.
Изоҳ (0)