Toshkentning Chilonzor tumanida tez tibbiy yordam mashinasi va Nexia ishtirokida YTH yuz berdi, deb xabar bermoqda YHXBB matbuot xizmati.

Foto: YHXBB matbuot xizmati

Ma’lum qilinishicha, 4-avgust kuni soat 13:00 larda Islom Karimov va Olmazor ko‘chalari kesishgan chorrahada Nexia va Ford rusumli tez tibbiy yordam avtomobili to‘qnashgan.

Oqibatda tez tibbiy yordam avtomobili yo‘lovchisi shifoxonada vafot etgan.

Mazkur YTH yuzasidan Toshkent shahar IIBB huzuridagi TB tomonidan dastlabki tergovoldi surishtiruv harakatlari olib borilmoqda.