IIV YHXBB ijtimoiy tarmoqlarda tarqalgan Toshkentda tez tibbiy yordam avtomobili ishtirokida YTH sodir bo‘lgani tasvirlangan video yuzasidan ma’lumot berdi.
Ma’lum qilinishicha, 22-sentabr kuni soat 20:45 larda Shayxontohur tumani Nurafshon—Mannon Uyg‘ur ko‘chalari kesishgan chorrahada 32 yoshli D.E. boshqaruvidagi “GAZ-330210” rusumli yuk avtomobili hamda haydovchi 1959-yilda tug‘ilgan M.E. boshqaruvida bo‘lgan Hyundai rusumli tez tibbiy yordam avtomobili ishtirokida to‘qnashuv sodir bo‘lgan.
Avariya oqibatida tan jarohati olganlar yo‘q. Transport vositalariga texnik shikast yetgan.
Ta’kidlanishicha, mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.
Avvalroq Toshkentda Nexia bilan to‘qnashib, ag‘darilib ketgan tez yordam mashinasidagi yo‘lovchi vafot etgani to‘g‘risida xabar berilgandi.
Izoh (0)