Андижонда танишининг телефонини тортиб олиб, товламачилик қилган икки шахс қўлга олиниб, жиноят иши қўзғатилди. Бу ҳақда ИИВ матбуот хизмати хабар берди.
Маълум қилинишича, 6 сентябрь куни фуқаро Б.А. ИИВга ариза билан мурожаат қилиб, таниши Л.Х. ва Х.И. 4 сентябрь куни уни Л.Х.нинг Тошкент шаҳар Мирзо Улуғбек туманида жойлашган уйига олиб бориб, унга нисбатан куч ишлатиб, IPhone 12 Pro Max телефонини тортиб олганини билдирган.
Улар Б.А.нинг телефонда мавжуд бўлган аёл киши билан интим видеотасвирларини интернет тармоғи орқали тарқатиб юбориш билан таҳдид қилиб, тарқатмаслик эвазига 10 минг доллар сўраган. Бундан ташқари, уяли телефонини қайтариб бериш эвазига янги IPhone 12 Pro Max уяли телефон учун 1150 доллар беришини талаб қилган.
Фуқаро жами 11 150 доллар талаб қилаётган ушбу шахсларга нисбатан қонуний чора коришни сўраган.
Мазкур аризага асосан 7 сентябрь куни ИИВ ЖҚББ Коррупция ва иқтисодий жиноятларга қарши курашиш бошқармаси ҳамда Андижон вилояти ИИБ ходимлари ҳамкорлигида ўтказилган тезкор тадбир давомида фуқаролар Л.Х. ва Х.И. Андижон шаҳар, Ўзбекистон кўчасидаги 48-мактаб ташқи томонида ариза муаллифидан 10 минг долларни олган вақт ашёвий далиллар билан қўлга олинган.
Мазкур ҳолат юзасидан шу куни Андижон вилояти ИИБ ҳузуридаги ТБ томонидан Жиноят кодексининг 165-моддаси 2-қисми «б» ва «в» бандлари (бир гуруҳ шахслар томонидан олдиндан тил бириктириб кўп миқдорда товламачилик содир этиш) билан жиноят иши қўзғатилиб, Л.Х. ва Х.И.га нисбатан қамоққа олиш эҳтиёт чораси қўлланилган.
Айни пайтда жиноят иши юзасидан дастлабки тергов ҳаракатлари олиб борилмоқда.
Мавзуга доир:
- Бухорода ишқий муносабатда бўлиб келган танишини қўрқитиб, ундан пул ундирган қизга жиноят иши қўзғатилди
- Наманганда Telegram’даги ёзишмаларини тарқатиш билан қўрқитиб, 17 ёшли қиздан 200 доллар талаб қилган йигит ушланди
- Фарғонада ўзи билан ишқий муносабатда бўлган эркак видеосини тарқатмаслик эвазига ундан 150 минг доллар талаб қилган аёл ва шерикларига суд ҳукми ўқилди
Изоҳ (0)