Тошкентнинг «Чилонзор» метроси олдида IIО ходимлари ва фуқаролар ўртасидаги зиддиятли вазият акс этган видеотасвирлар ижтимоий тармоқларда тарқалди. Пойтахт ИИББ матбуот хизмати ушбу видеотасвирларда акс этган ҳолатга ойдинлик киритди.
Маълум қилинишича, 12 сентябрь куни соат 12:20 ларда Чилонзор туманидаги Бунёдкор ва КҲАЙ кўчалари кесишмасида Тошкент шаҳар ИИББ ЙҲХБ ЙПХ инспекторлари Cobalt автомобиль ҳайдовчиси 35 ёшли Б.У.ни йўл ҳаракати қоидаларини бузганлиги учун тўхтатган.
Маъмурий ҳуқуқбузарлик содир этган шахсга баённома расмийлаштириш жараёнида йўл четида тўхтаб турган автомобиль ҳайдовчиси 29 ёшли Т.Р. аралашган ва ходимларнинг қонуний фаолиятига тўсқинлик қилиб, жанжал кўтарган ҳамда ички ишлар органи ходимига фаол қаршилик кўрсатиб, тан жароҳати етказган.
Ҳуқуқбузарнинг ноқонуний ҳаракатларига чек қўйиш мақсадида яқин орада хизмат олиб бораётган ППХ ходимлари етиб келган. ИИО ходимлари Т.Р.ни яқин орадаги ИИБга олиб кетиш учун транспорт воситасига ўтқизиш жараёнида акс этган видео ижтимоий тармоқларда тарқалган.
«Жанжал иштирокчилари Чилонзор тумани ИИО ФМБга олиб борилган. Мазкур ҳолат юзасидан терговга қадар текширув олиб борилмоқда. Текширув якуни бўйича ички ишлар органлари ходимларининг қонуний фаолиятига қаршилик кўрсатган барча фуқароларнинг шахси аниқланиб, уларнинг қилмишига ҳуқуқий баҳо берилади ва уларга нисбатан қонуний чора кўрилади», — дейилади пойтахт ИИББ хабарда.
Мавзуга доир:
- Тошкентда ИИББ ходимлари аёлларни куч ишлатиб, хизмат машинасига ўтқизаётгани акс этган видео бўйича расмий изоҳ берилди
- Қўйлиқ бозорида ИИБ ходимлари сотувчи аёлга куч ишлатгани акс этган видео тарқалди. ИИВ ҳолат бўйича изоҳ берди
- Тошкентда маст ИИБ ходими 80 ёшли отахонни ниқоб тақмагани учун куч ишлатиб олиб кетмоқчи бўлгани айтилган видео юзасидан расмий маълумот берилди
Изоҳ (0)