Қашқадарё вилоятининг Қарши шаҳридаги кўп қаватли уйларнинг бири олдида чириган дарахт Damas автомобилини босиб қолди. Бу ҳақда «Дарё»га вилоят Фавқулодда вазиятлар бошқармаси ахборот хизмати раҳбари Соҳиб Ваитов хабар берди.
Маълумот берилишича, воқеа бугун, 4 сентябрь куни соат 13:20 да содир бўлган.
«Бугун, тахминан соат 13:20 да вилоят Фавқулодда вазиятлар бошқармасининг навбатчи-диспетчерлик хизматига Қарши шаҳар ‘Мустақиллик’ МФЙ 19-уйнинг олдида тўхтаб турган Damas русумли енгил автомобиль устига дарахт қулаб тушгани тўғрисида хабар келиб тушди. Хабарга кўра, қутқарувчилар айтилган манзилга соат 13:30 да етиб бориб, ҳолатни қисқа вақт ичида бартараф этган», — дейди Соҳиб Ваитов.
Қўшимча қилинишича, воқеа рўй берган пайтда автомобилда ҳеч ким бўлмаган. Damas’нинг том қисмига зарар етган.
Изоҳ (0)