Эсдалик буюмларни сотиш билан шуғулланувчи Autoграпҳиа ва HODL токенлари яратувчиси ўзига хос аукцион ўтказади. Унда учта NFT-сертификати ва шахсан Илон Маскнинг дастхати туширилган ўйинчоқ Tesla Модель Х сотувга қўйилади, деб хабар беради Motor.
Аукцион 4 кундан сўнг якунланади, аммо ҳозирда Маскнинг дастхати туширилган ўйинчоқ машина учун 0,4 ETH таклиф этилмоқда (Ethereum блокчейн тармоғининг базавий тўлов воситаси, эфир) — бу 1325 АҚШ доллари демак. Савдолар якунлангач, энг юқори нархни таклиф этган харидор ҳақиқий лот ва унинг рақамли нусхасига эга бўлади. Таъкидлаш керакки, сертификатлардан бири аслини текширувчи асосий халқаро тизимлардан бири — Beckett ҳисобланади. Шунингдек, исталган харидор 0,5 ETH эвазига (162 доллар) савдоларни ташкиллаштирган HODL Diamond Marketplace’нинг брендли NFT’сини сотиб олиши мумкин.
Бундан олдин RubiX аукциони ҳам шу каби схемадан фойдаланган эди. Компания «Форсаж-7»да суратга тушган Lykan HyperSport’нинг ўнта нусхасидан бирини сотувга қўйганди. Автомобиль суратга олиш жараёнида омон қолганига қарамай, унга барибир етарлича шикаст етган. Хусусан, кузови тирналган, ён ойналари синган, салонида қурилмалар панели ҳамда медиатизими йўқ. Шу билан бирга, спорткарнинг ўзига хос жиҳати ҳам бор — у 11520х6480 пикселли суратлардан иборат коллажли NFT-токенлар билан бирга сотилган.
Изоҳ (0)