Esdalik buyumlarni sotish bilan shug‘ullanuvchi Autographia va HODL tokenlari yaratuvchisi o‘ziga xos auksion o‘tkazadi. Unda uchta NFT-sertifikati va shaxsan Ilon Maskning dastxati tushirilgan o‘yinchoq Tesla Model X sotuvga qo‘yiladi, deb xabar beradi Motor.
Auksion 4 kundan so‘ng yakunlanadi, ammo hozirda Maskning dastxati tushirilgan o‘yinchoq mashina uchun 0,4 ETH taklif etilmoqda (Ethereum blokcheyn tarmog‘ining bazaviy to‘lov vositasi, efir) — bu 1325 AQSh dollari demak. Savdolar yakunlangach, eng yuqori narxni taklif etgan xaridor haqiqiy lot va uning raqamli nusxasiga ega bo‘ladi. Ta’kidlash kerakki, sertifikatlardan biri aslini tekshiruvchi asosiy xalqaro tizimlardan biri — Beckett hisoblanadi. Shuningdek, istalgan xaridor 0,5 ETH evaziga (162 dollar) savdolarni tashkillashtirgan HODL Diamond Marketplace’ning brendli NFT’sini sotib olishi mumkin.
Bundan oldin RubiX auksioni ham shu kabi sxemadan foydalangan edi. Kompaniya “Forsaj-7”da suratga tushgan Lykan HyperSport’ning o‘nta nusxasidan birini sotuvga qo‘ygandi. Avtomobil suratga olish jarayonida omon qolganiga qaramay, unga baribir yetarlicha shikast yetgan. Xususan, kuzovi tirnalgan, yon oynalari singan, salonida qurilmalar paneli hamda mediatizimi yo‘q. Shu bilan birga, sportkarning o‘ziga xos jihati ham bor — u 11520x6480 pikselli suratlardan iborat kollajli NFT-tokenlar bilan birga sotilgan.
Izoh (0)