Жанубий Австралия полицияси тезликни меъёрини қарийб икки баробар оширган биринчи авлод Subaru Impreza WRХ’ни тўхтатди. Оқ седанни бошқариб кетаётган 80 ёшли нафақахўр олти ойга ҳайдовчилик гувоҳномасидан маҳрум қилиниб, 1814 Австралия доллари (1300 АҚШ доллар) миқдорида жаримага тортилган, деб хабар беради Motor.
Оқ Subaru Impreza WRХ полиция радарига Жанубий Австралия пойтахти яқинидаги икки полосали чўл йўлида тушиб қолган. Седан соатига 182 километр тезликда ҳаракатланаётган бўлган ва патруль экипажи томонидан тўхтатилган. Машинани бошқариб кетаётган 80 ёшли эркак полициячиларга ҳеч қандай эътироз билдирмасдан, шунчаки Алма шаҳарчасига ишлари кўплиги учун шошаётгани ва максимал тезлик соатига 100 километр этиб чекланганига эътибор бермаганини айтган.
Шунга қарамай, қўлланилган жазо жуда қаттиқ бўлган ва унинг ёши ҳам инобатга олинмаган: эндиликда у ҳайдовчилик гувоҳномасидан 6 ойга маҳрум этилган ва катта миқдорда жарима тўлаши керак.
АBC News’нинг маълум қилишича, Жанубий Австралия полицияси тезликни икки баробарга ошириш ҳолатини «жиддий хавотир уйғотади» деб атаган, айниқса, штатда ўлим билан боғлиқ авариялар сони ортаётган бир пайтда. 2021 йилнинг ўзида Жанубий Австралияда содир бўлган ЙТҲлар оқибатида 64 киши ҳалок бўлган — бу ўтган йилга нисбатан 12 фоизга кўп демак.
Аввалроқ АҚШда 87 ёшли нафақахўр 500 от кучига эга Chevrolet Corvette’ни харид қилиб, унда дўконга қатнаётгани, Флоридада 90 ёшли нафақахўр туғилган кунида янги Chevrolet Corvette сотиб олгани тўғрисида хабар берилганди.
Изоҳ (0)