Нидерландиянинг Гронинген шаҳрида янги Volkswagen ID.3 электрокари билан кўнгилсиз ҳодиса содир бўлди — қувватлантиргичга уланган машина автотураргоҳда ёниб кетган. Қувватлантиргични суғурган машина эгаси қалин тутунга дуч келган. Аланга машинани эгаллаб олишидан олдин аёл фарзанди билан хавфсиз жойга қочишга улгурган. ID.3 буткул ёниш билан бирга, орқасида турган Nissan Leaf’га ҳам шикаст етказган, деб хабар беради Motor.
Volkswagen компанияси вазиятга муносабат билдириб, ҳолат бўйича ўзларининг терговини ўтказишга ваъда берган. Автомобиль ишлаб чиқарувчи электрокар қолдиқларини ўрганиб, содир бўлган воқеа сабабларини аниқлаш ниятида. Бу немис маркасининг электромобили билан боғлиқ биринчи бор қайд этилган авария: ID.3 ёки ID.4 электрокарларнинг ёниб кетиши оид хабарлар ОАВларда эълон қилинмаган.
Версиялардан бирига кўра, олов батареянинг қизиб кетиши оқибатида юзага келган бўлиши мумкин. Бу каби тахмин Tesla электрокарлари билан содир бўладиган шу каби вазиятларда тез-тез тилга олинади.
Аввалроқ энг кучли Tesla Model S ҳаракат вақтида ёниб кетгани, АҚШда автопилот режимида ҳаракатланган Tesla ҳалокатга учрагани, Хитойда Tesla иштирокида яна бир ЙТҲ содир бўлгани тўғрисида хабар берилганди.
Изоҳ (0)