The Korean Carblog нашри янги Hyundai Casper моделига ўрнатиладиган двигателларга оид маълумотлар билан бўлишди. Марка линейкасидаги энг ихчам кроссовер ривожланаётган давлатлар бозори учун мўлжалланган бўлиб, иккита модификацияга эга бўлади: 76 от кучини тақдим этишга қодир 1,0 литрли «атмосфера» ва 100 от кучили турбомотор. Миш-мишларга кўра, янги модель агрегати беш поғонали механик узатмалар қутиси ёрдамида бошқарилади, деб хабар беради Motor.
Жанубий Корея ОАВлари маълумотларига кўра, Casper сертификат синовларининг якуний босқичида турибди. Янги модель Hyundai’нинг Santor хетчбеки ва Aura седани ишлаб чиқарилган К1 платформасида яратилган. Кроссовер узунлиги тўрт метрдан ошмайди ва уч эшикли Lada Niva Legend’дан ҳам ихчамроқ бўлади. Моделнинг ўзига хослиги — орқа ўриндиғига SUV стандарти бўйича уч киши эмас, икки киши сиғишида.
Аввалроқ тарқалган жосуслик суратларида Casper экстерерининг дизайнини кўриш мумкин эди. Модель юмалоқ фарали икки қаватга эга ноодатий оптикага ҳамда кўплаб учбурчаклардан ташкил топган тасвирли орқа фонарларга эга бўлган. Машина салонига виртуал қурилмалар панели ва ахборот-кўнгилочар тизим учун катта экран ўрнатилади.
Йўлтанламас Жанубий Кореядаги Кванжу шаҳридаги Hyundai Motor Company корхонасида ишлаб чиқарилади. Марка йилига 70 минг нусха Casper’ни тақдим этишни режалаштирган.
Тахминларга кўра, ушбу модель Hyundai’нинг энг кичкина ва энг арзон кроссоверига айланади.
Аввалроқ Hyundai 2025 йилга бориб аэропортларда учар таксилар хизматини ишга туширишни режалаштираётгани тўғрисида хабар берилганди.
Изоҳ (0)