24 август куни Тошкент давлат аграр университетида вилоятда бўшаб қолган ўринга Олий Мажлис Сенати аъзоси сайловини ўтказиш бўйича қўшма мажлис ўтказилди, деб хабар беради Тошкент вилояти ҳокимлиги матбуот хизмати.
Қўшма мажлисда Сенат аъзолигига Тошкент вилояти ҳокими Даврон Ҳидоятов номзоди илгари сурилиб, яширин овоз бериш жараёнлари ўтказилган.
Саноқ комиссияси хулосасига кўра, қўшма мажлисда 535 та депутат иштирок этиб, овоз бериш жараёнларида 531 киши қатнашган. Шундан 4 та сайлов бюллетени ҳақиқий эмас деб топилган ва 9 та бюллетендан фойдаланилмаган.
Овоз беришда иштирок этган депутатларнинг 518 нафари Даврон Ҳидоятовни ёқлаб овоз берган. Шундай қилиб, вилоят ҳокими мутлақ кўпчилик овоз билан Олий Мажлис Сенати аъзоси этиб сайланган.
«Қўшма йиғилишда Даврон Ҳидоятов сўзга чиқиб, билдирилган ишонч учун халқ вакилларига миннатдорлик билдирди», — дейилади хабарда.
Эслатиб ўтамиз, Даврон Ҳидоятов Президентнинг 30 январдаги фармони билан лавозимидан озод этилган Тошкент вилояти ҳокими Рустам Холматовнинг ўрнига вилоят ҳокими вазифасини бажарувчи этиб тайинланган эди. Тайинловга қадар у Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида фаолият юритган.
Мавзуга доир:
2009 йилдан 2012 йилгача GM Uzbekistan компаниясининг молия бўйича ижрочи директори, 2012 йилдан 2014 йилгача MAN Auto-Uzbekistan ҚК бош директори лавозимларида хизмат қилган.
2014—2017 йилларда Ўзбекистон Хусусийлаштириш, монополиядан чиқариш ва рақобатни кучайтириш давлат қўмитаси раиси, 2017—2018 йилларда Чилонзор тумани ҳокими лавозимида фаолият юритган.
Изоҳ (0)