Ижтимоий тармоқларда катта ёшдаги киши ёш болани ураётгани акс этган видео тарқалди. Тошкент шаҳар ИИББ матбуот хизмати ҳолат юзасидан расмий маълумот берди.
Унга кўра, 22 август куни Д.Ў. Тошкент шаҳар ИИББга 102 рақами орқали мурожаат қилиб, ўғлини урган қўшнисига нисбатан қонуний чора кўришни сўраган.
Аниқланишича, шу куни соат 14:00 ларда Чилонзор тумани 8-мавзеда истиқомат қилувчи ёш болалар ўзаро уришиб қолган. Уларнинг тортишувига болалардан бирининг отаси — 35 ёшли Қ.Б. аралашган ҳамда вояга етмаган 11 ёшли бола — К.А.ни уриб тан жароҳати етказган.
Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда. Вояга етмаган К.А.га етказилган тан жароҳатининг оғирлик даражасини аниқлаш мақсадида суд-тиббиёт экспертизаси тайинланган.
Хабарда таъкидланишича, текширув якуни бўйича қонуний қарор қабул қилинади.
Мавзуга доир:
Изоҳ (0)