Талабалар ўқишини хорижий давлатлардан Ўзбекистондаги давлат олий таълим муассасаларига кўчириш бўйича тест синовлари 23-, 24-, 25 август кунлари бўлиб ўтади. Бу ҳақда Давлат тест маркази хабар қилди.
Тест синовлари Қорақалпоғистон, вилоятлар ва Тошкент шаҳрида очиқ майдонларда ташкил этилади ва 23 август куни 2-сменада бошланиб, 25 август куни 1-сменада якунланади. Бунда тест синовлари:
- 1-сменада 07:00 дан 10:00 га қадар;
- 2-сменада 18:00 дан 21:00 га қадар бўлиб ўтади.
Тест синовларида тўплаш мумкин бўлган максимал балл – 189 балл бўлиб, биринчи мутахассислик фани бўйича ҳар бир тўғри жавоб учун 3,2 баллдан (жами 96 балл), иккинчи мутахассислик фани бўйича эса 3,1 баллдан (жами 93 балл) берилади.
Талабгорлар тест синовида иштирок этиш учун рухсатномани Давлат тест марказининг transfer.dtm.uz сайтидан олишлари мумкин.
Талабгорлардан тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари сўралади.
Алоҳида иқтидор талаб этиладиган таълим йўналишларига ўқишини кўчираётган талабгорлар тест синовида иштирок этмайди ва уларга Давлат тест маркази томонидан рухсатнома берилмайди. Улар учун олий таълим муассасалари томонидан касбий (ижодий) имтиҳон ўтказилади.
Мавзуга доир:
- Ўзбекистон ОТМларига кириш имтиҳонларида тана ҳарорати юқори бўлган ва коронавирусга чалинган абитуриентлар учун тест синовлари 23 август куни ўтказилади
- ДТМ биология фанидан Миллий сертификат учун топширилган тест натижаларини бекор қилди
- Фото: Ўзбекистонда олийгоҳларга кириш учун очиқ осмон остида ўтказилаётган тест имтиҳонлари
Изоҳ (0)