Навоий шаҳрида маст ука акасини ўлдириб қўйди. Бу ҳақда «Янги Давр» информацион дастурида маълум қилинди.
Маълум бўлишича, самарқандлик ака-ука Навоий шаҳридаги қурилишда ишлаётган бўлган. Улар орасида 12 миллион сўм пул сабаб келишмовчилик келиб чиққан. Жаҳл устида ука кетмон билан акасининг бош қисмига уриши оқибатида жабрланувчи кўрсатилган тиббий муолажаларга қарамасдан шифохонада вафот этган.
Таъкидланишича, жанжал келиб чиққанда ҳар икки шахс ҳам маст ҳолда бўлган.
Маълумот ўрнида, аканинг бир нафар, уканинг эса икки нафар фарзанди бор.
Ҳозирда укага нисбатан жиноий иш қўзғатилган бўлиб, терговга қадар текширув ишлари бошланган.
Бундан аввал Қаршида чемпион йигитнинг ўлдирилишида 8 нафар фуқаро иштирок этгани, уларнинг орасида мактаб ўқувчилари ҳам борлиги, Қашқадарёда икки маст фуқаро уч киши билан жанжаллашиб, уларни жароҳатлагани ҳамда Жиззахда икки киши пичоқланиши оқибатида вафот этгани ҳақида хабар берилганди.
Изоҳ (0)