Санкт-Петербургда 27 ёшли россияликка тегишли Hyundai Solaris автомобилини миниб қочган Ўзбекистон фуқароси аварияга учради. Бу ҳақда вилоят ИИВ бош бошқармаси матбуот хизматига таяниб, «Фонтанка» хабар берди.
Маълум қилинишича, 24 ёшли Ўзбекистон фуқароси петербурглик фуқаронинг Hyundai Solaris автомобилини миниб қочиб кетаётганида 44 ёшли аёл бошқарувидаги Hyundai Sonata билан тўқнашиб кетган. Эркак жиддий тан жароҳатлари билан оғир аҳволда шифохонага етказилган.
Ўзбекистонликка нисбатан Россия Маъмурий ҳуқуқбузарлик тўғрисидаги кодексининг тегишли моддаси билан маъмурий иш қўзғатилган.
Аввалроқ Ленинграддаги қурилиш майдонида 22 ёшли Ўзбекистон фуқароси баландликдан қулаб, вафот этгани, Россияда Ўзбекистон фуқароси туғилган кунини нишонлаётган ҳамюртини пичоқлаб қўйгани тўғрисида хабар берилганди.
Изоҳ (0)