Жиззахда пичоқланиш туфайли икки фуқаро вафот этди, дея хабар бермоқда вилоят ИИБ матбуот хизмати.
Маълум бўлишича, 2021 йилнинг 10 август куни вилоятнинг Шароф Рашидов туманида икки шахс бир-бири билан жанжаллашган. Бунинг натижасида бири иккинчисини пичоқлаб ўлдирган.
Шунингдек, шу туманда вақтинчалик рўйхатда турувчи эркак хотини сабаб ҳайдовчини 7 марта пичоқлаган. Оқибатда жабрланувчи вафот этган. Қайд этилишича, марҳум эркакнинг маҳалладоши бўлган.
Мазкур ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
Бундан аввал Жиззахда икки нафар фокусчини пичоқлашда гумон қилинаётган шахс қўлга олингани, Қибрайда беш кишининг ўлдирилиши билан боғлиқ тафсилотлар маълум қилингани ҳамда Наманганда бир йигит 150 минг сўмни деб танишини пичоқлаб, ўлдириб қўйгани ҳақида хабар берилганди.
Изоҳ (0)