Иштаҳаочар аччиққина кўза шўрва рецепти

Мазкур шўрванинг ёқимли таъми анчагача оғзингизда қолади.

Керакли маҳсулотлар: 

• мол гўшти — 500 г;
• картошка — 3-4 дона;
• помидор — 2 та;
• булғори қалампири — 1 дона;
• пиёз — 1 дона;
• аччиқ қалампир — 1 дона;
• сабзи — 1-2 дона;
• саримсоқ — 5 бўлак;
• сув — 1-1,5 л;
• туз;
• аччиқ қизил қалампир;
• кўкатлар.

1. Гўшт, картошка, помидор ва булғори қалампирини ўрта, пиёз ва аччиқ қалампирни майда бўлакларга бўлинг.
2. Сабзини катта ёки ўрта қирғичдан ўтказинг. Саримсоқни эса майдалаб эзинг.
3. Кўзачаларга гўшт ва сабзавотларни солинг. Туз, қалампир солиб, сув қуйинг.
4. Идиш қопқоқларини ёпиб, олдиндан қиздирилган 180 даражали печга 1 соатга қўйинг. Агар гўшт етарлича юмшоқ бўлмаса, шўрвани яна 15-20 дақиқа пиширинг.
5. Дастурхонга тортишдан аввал кўкатлар билан безанг.