Смузи ва сангрия: тарвуздан қандай тетиклантирувчи ичимликлар тайёрлаш мумкин?
Июль ойида тарвуз мавсуми бошланади. Унинг таркибида магний, калий, фосфор ва бошқа фойдали витамин ва моддалар мавжуд бўлиб, улар асаб тизимининг фаолиятига ижобий таъсир кўрсатади. Шунингдек метаболизмни яхшилайди. Тарвузнинг 92 фоизи сувдан иборат бўлиб, уни ажойиб тетиклантирувчи маҳсулотга айлантиради. Бу иссиқдан сақланишга ёрдам берадиган ёзги ичимликлар учун ажойиб таркибий қисм. Қуйида энг осон ва энг тезкор тарвузли коктейл рецептлари билан танишиб чиқинг.
«Тарвузли завқ»
Фото: Harper’s Bazaar
Керакли маҳсулотлар:
тарвуз
асал
муз бўлаклари
Энг оддий, лекин жуда тетиклантирувчи ва ширин коктейл. Блендерда барча маҳсулотлар аралаштирилади. Бу ичимликни эрта тонгда ичиш тетиклик бахш этади. Асал туфайли иммунитет тизимини мустаҳкамлашга қодир.
«Ғойиб бўлган қулупнай»
Фото: Harper’s Bazaar
Керакли маҳсулотлар:
тарвуз
қулупнай
қаймоқ
йогурт
апельсин шарбати
Блендерда барча маҳсулотларни аралаштириб, ажойиб смузи ҳосил қилиш мумкин. Ичимлик муздек бўлиши учун музлатилган қулупнай ёки муздан фойдаланиш тавсия этилади. Уни тарвуз бўлаги ёки қаймоқ билан безаш мумкин.
«Тарвузли сангрия»
Фото: Harper’s Bazaar
Керакли маҳсулотлар:
тарвуз
сироп
лайм
апельсин
қорағат
Бу рецепт, айниқса, уйда дўстлари билан учрашганда жуда қўл келади. Тарвуз бўлаклари блендерда кўпиртирилади, сўнгра шарбати яхшилаб тортиб олинади. Алоҳида идишга қолган маҳсулотлар ва шарбат қуйилиб, совиткичга 4 соатга қолдирилади.
«Тарвузли мохито»
Фото: Harper’s Bazaar
Керакли маҳсулотлар:
тарвуз
ялпиз
лайм шарбати
сироп
муз
Тарвуз силлиқ бўлгунча кўпиртирилади. Олинган шарбат коктейл учун стаканга қуйилади, пастки қисмида бир неча ялпиз барги солинади ва аралаштирилади. Кейин лайм шарбати, сироп, муз ва қўшилади. Таъбга кўра тарвуз бўлаги билан безатилади.
Изоҳ (0)