Инвесторлар афғон инқирози оқибатларига тайёргарлик кўриб қўйгани сабаб Ўзбекистон ва Покистоннинг халқаро облигациялари босим остида қолди. Бу ҳақда Financial Times’га таяниб, Spot хабар берди.
Покистоннинг доллардаги облигациялари қиймати тахминан 1 фоиз йўқотган. Ўзбекистоннинг 2030 йилда тўланадиган долларли облигациялари қарийб чорак фоизга арзонлашган.
«Хавотир уйғотадиган бир нечта мавзулар бор. Улардан бири — қочоқлар инқирози», — дейди LGIM’нинг ривожланаётган мамлакатлар қарз мажбуриятлари бўлими бошлиғи Удай Патнаик.
Унинг сўзларига кўра, жамғарма яқинда Ўзбекистон ва Тожикистон томонидан чиқарилган облигациялари захирасини қисқартирган.
FT’нинг аниқлик киритишича, бозорда асосий эътибор Афғонистоннинг қўшниларига қаратилган, чунки мамлакатнинг ўзини халқаро бозорда қарзи йўқ ва ҳокимиятдан ағдарилган ҳукумат ўз маблағларининг катта қисмини Жаҳон банки ҳамда Халқаро валюта жамғармаси каби донорлардан олган.
Эслатиб ўтамиз, 2020 йилнинг ноябрида Тошкент ҳокимлиги қарзлар бозорига кириб, 500 миллион долларлик еврооблигацияларни жойлаштиришни режалаштираётгани тўғрисида хабар берилганди.
Изоҳ (0)